Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ლევან კორტავას გარდაცვალების საქმეზე ქუთაისის სააპელაციო სასამართლომ ექვსი პირი დამნაშავედ სცნო

თარიღი : 11-06-2015, 17:29 | კატეგორია: ახალი ამბები, სამართალი   
topnews.com.ge
ქუთაისის სააპელაციო სასამართლომ სასჯელაღსრულების დეპარტამენტის გეგუთის N14-ე დაწესებულების მსჯავრდებულ ლევან კორტავას გარდაცვალების ფაქტზე 6 პირის დამნაშავედ სცნო.

ლევან კორტავას გარდაცვალების საქმეში მონაწილე პირები პასუხისგებაში მიეცნენ სისხლის სამართლის კოდექსის 125-ე მუხლის პირველი ნაწილით, 117-ე მუხლის მეხუთე და მეექვსე ნაწილებითა და 2231მუხლის პირველი ნაწილით.

ქუთაისის სააპელაციო სასამართლომ, ისევე როგორც ქუთაისის საქალაქო სასამართლომ დადასტურებულად მიიჩნია, რომ 2013 წლის 23 მაისს, ლევან კორტავა მის მიმართ ჯგუფურად განხორციელებული ფიზიკური ძალადობით გამოწვეული ქალა-ტვინის დახურული ტრავმის შედეგად გარდაიცვალა.

ქუთაისის სააპელაციო სასამართლომ შოთა სინაურიძესა და გელა უშხვანს 11 წლით თავისუფლების აღკვეთა და ფულადი ჯარიმა 1000 ლარის ოდენობით, ნუგზარ ბუჩუაძეს 14 წლით თავისუფლების აღკვეთა, ლაშა კვანტალიანს 12 წლით თავისუფლების აღკვეთა, სოლომონ დაშნიანს 10 წლით თავისუფლების აღკვეთა და ფულადი ჯარიმა 1000 ლარის ოდენობით, ხოლო თეიმურაზ გურეშიძეს 9 წლითა და 6 თვით თავისუფლების აღკვეთა და ფულადი ჯარიმა 1000 ლარის ოდენობით მიუსაჯა.

საქართველოს პროკურატურის ინფორმაციით, გამოძიებით დადგინდა, რომ 2013 წლის 12 მაისს, სად-ის N14 დაწესებულებაში კრიმინალურმა ავტორიტეტებმა, ქურდული წესების მიმდევრებმა ლაშა კვანტალიანმა, შოთა სინაურიძემ, გელა უშხვანმა, გიორგი შემაზაშვილმა, სოლომონ დაშნიანმა, ნუგზარ ბუჩუაძემ და თეიმურაზ გურეშიძემ, ე.წ. „კრიმინალური ავტორიტეტისათვის“ ხელის დარტყმის გამო, „ქურდულ სამყაროში“ დამკვიდრებული წესების შესაბამისად, მკაცრად დასჯის მიზნით, ხელებითა და ფეხებით, ასევე ელექტროჩაიდანისა და ვენტილატორის მყარი დეტალის გამოყენებით, გონების დაკარგვამდე ჯგუფურად სცემეს პატიმარი ლევან კორტავა, რომელმაც განხორციელებული ძალადობის შედეგად მიიღო მრავლობითი ნაჭდევები და სისხლნაჟღენთები შუბლის, ორივე თვალბუდის, მარჯვენა საფეთქლის და ცხვირის მიდამოში, სისხლჩაქცევებით ქალას რბილი საფარის ქსოვილში, რბილ გარსებში და თავის ტვინის ნივთიერებაში, ასევე მიიღო ცხვირის ძვლის ხაზოვანი მოტეხილობა.

საქართველოს პროკურატურის ცნობით, ქუთაისის სააპელაციო სასამართლომ, სრულად გაიზიარა ბრალდების მხარის მიერ წარდგენილი უტყუარი მტკიცებულებები და სასჯელაღსრულების დეპარტამენტის გეგუთის N14-ე დაწესებულების მსჯავრდებულ ლევან კორტავას გარდაცვალების ფაქტზე, ცემის, სასიკვდილო შედეგით დასრულებული ჯანმრთელობის განზრახ მძიმე დაზიანებისა და ქურდული სამყაროს წევრობისთვის, ექვსი პირი დამნაშავედ სცნო.

შეგახსენებთ, რომ ქუთაისის სააპელაციო სასამართლომ 2014 წლის 5 ნოემბერს ლევან კორტავას გარდაცვალებაში მონაწილე კიდევ ერთი ბრალდებული - გიორგი შემაზაშვილი დამნაშავედ სცნო და მას 11 წლით თავისუფლების აღკვეთა და ფულადი ჯარიმა 1000 ლარის ოდენობით შეუფარდა. ამავე ფაქტზე ქუთაისის საქალაქო სასამართლოში, საქართველოს სსკ-ის 332-ე და 375-ე მუხლებით - სამსახურებრივი უფლებამოსილების ბოროტად გამოყენებისა და დანაშაულის დაფარვის ბრალდებით, გრძელდება სასჯელაღსრულების დეპარტამენტის N14-ე დაწესებულების ყოფილი თანამშრომლების ბრალდების სისხლის სამართლის საქმის არსებითი განხილვა.


ნანახია: 1758-ჯერ

მსგავსი სიახლეები
დიმიტრი ჯიჭონაია პატიმართა მიმართ განხორციელებულ ცემა-წამებასა და არაადამიანურ მოპყრობაში დამნაშავედ ცნო და 6 წლითა და 9 თვით
გეგუთის კოლონიის დირექტორი პასუხისგებაში ამავე დაწესებულებაში პატიმრის, ლევან კორტავას გარდაცვალების ფაქტზე მისცეს.
საქალაქო სასამართლოს გადაწყვეტილება სააპელაციო სასამართლოში როგორც დაცვის, ასევე ბრალდების მხარემ გაასაჩივრა.
სასამართლო პროცესზე გამოკვლეული მტკიცებულებებით დადასტურდა, რომ შსს იმერეთის, რაჭა-ლეჩხუმისა და ქვემო სვანეთის პოლიციის
მოსამართლემ ფარტენაძის თანამესაკნეები ბრალდებულად სცნო და შოთა შანიძეს 15, გიორგი სეხნიაშვილი 9 და ლევან მოისწრაფიშვილს 11 წლით

ამინდი