„ნაციონალები“ ანტიკორუფციულ საბჭოს ვანში ქმნიან

„ნაციონალური მოძრაობა“ ხვალ ვანში ანტიკორუფციულ საბჭოს შექმნის.
როგორც ჟურნალისტებს „ნაციონალმა“ პაატა ლეჟავამ განუცხადა, ორი დღის განმავლობაში პარტიის წევრები ვანის მოსახლეობასა და არასამთავრობო სექტორის წარმომადგენლებს შეხვდნენ.
„ორი დღის შემდეგ, იმ კორუფციულ ფაქტებსა და ნეპოტიზმის შემთხვევებს წარმოვადგენთ, რომელსაც ვანში აქვს ადგილი. ამ უნიათო ხელისუფლების მმართველობის შედეგებს კიდევ ერთხელ დავანახებთ საზოგადოებას“, - განაცხადა ლეჟავამ.
შეგახსენებთ, რომ ატიკორუფციულმა კომისიამ უკვე იმუშავა გურჯაანსა და სენაკში.