“ჩვენ ვართ ოჯახი, რომელიც მერიამ მოატყუა“

სოციალურად დაუცველი გვეტაძეების ოჯახი, ქუთაისის მერიაში შესვლას და შესაბამის სამსახურებთან შეხვედრას ითხოვს.
როგორც ისინი აცხადებენ, ქალაქის მერიის ადმინისტრაციული სამსახურის უფროსი ზვიად ჯავახია მათ ერთჯერადი სოციალური დახმარების ჩარიცხვას შეპირდა, თუმცა მოატყუა. სოციალურად დაუცველიების თქმით, ისინი უკიდურესად გაჭირვებულები არიან, თუმცა ქალაქის მერიას მათი პრობლემები არ აინტერესებს.
„ავადმყოფი ქმარი დავტოვე სახლში, იმის გამო, რომ ბანკში წავსულიყავი და მერიის დახმარება მიმეღო, თუმცა ბანკში მითხრეს, რომ არაფერი არ ჩარიცხულაო. მერიაში კი მატყუებენ, რომ თანხა ჩაგირიცხეთო. თუ ასე გაგრძელდა, სიცოცხლეს თვითმკვლელობით დავასრულებ“, - ამბობს ვენერა გვეტაძე.
ქუთაისის მერიაში აცხადებენ, რომ სოციალურად დაუცველი გვეტაძეების ოჯახს, 200 ლარი რამდენიმე წუთის წინ ჩაერიცხა.