ქუთაისში მარიხუანას დეკრიმინალიზაციის მოთხოვნით აქცია გაიმართა

ქუთაისში მდებარე პარლამენტის შენობის წინ მარიხუანას დეკრიმინალიზაციის მოთხოვნით აქცია გაიმართა.
აქციის მონაწილეები მარიხუანას მოხმარების გამო ადამიანების დაპატიმრების შეწყვეტას მოითხოვდნენ.
„რამდენიმე დღის წინ პარლამენტში დარეგისტრირდა კანონ-პროექტი, რომელსაც მსვლელობა მიეცა. ჩვენი აქცია ემსახურება იმას,რომ ადამიანები, რომლებიც რაღაც მიზეზების გამო მოიხმარენ მარიხუანას არ დააკავონ და არ აღიძრას სისხლის სამართლის საქმერ მათ წინააღმდეგ. ჩვენ მხარს გვიჭერენ, როგორ უმრავლესობის, ისე უმცირესობის წარმომადგენლები და იმედი გვაქვს, რომ აღნიშნული კანონ-პროექტი უახლოეს მომავალში იქნება მიღებული.“ - განაცხადა აქციის ერთ-ერთმა ორგანიზატორმა ზაზა ფანჩულიძემ.
მსგავსი აქცია ასევე გაიმართა თბილისში, ბათუმში, ზუგდიდსა და ბოლნისში.