ქუთაისის მერიაში რუსთავი 2-ის ყურება აიკრძალა?

ქუთაისის მერიის ადმინისტრაციული შენობის მისაღებში არსებული ტელევიზორის ტელეკომპანია „რუსთავი 2“-ზე გადართვა აიკრძალა.
როგორც Topnews.com.ge-სთვის გახდა ცნობილი, აღნიშნული დირექტივა მერიის შესასვლელში მსხდომმა დაცვის პოლიციის თანამშრომლებმა მიიღეს.
დირექტივის ავტორებად იმერეთის ვიცე-გუბერნატორი პაატა ნადირაძე და ქუთაისის მერიის ადმინისტრაციული სამსახურის უფროსი ზვიად ჯავახია სახელდებიან.

Topnews.com.ge-ინფორმაციის გადამოწმება ზემოთდასახელებულჩინოვნიკებთან სცადა. გუბერნატორის პრესსამსახურში აცხადებენ, რომ პაატა ნადირაძე მსგავსი ტიპის ბრძანების გაცემას კატეგორიულად უარყოფს. რაც შეეხება ზვიად ჯავახიას, ადმინისტრაციული სამსახურის უფროსი აცხადებს, რომ: "-ეს არის სრული აბსურდი და დიდი იმედი მაქვს, რომ ქალაქის მერი არ გაიგებს ამას. შეიძლება ვინმე სარგებლობდეს ჩემი სახელით, რადგან არა მგონია ყველას ყველა უყვარდეს. იცით როგორი ურთიერთობა გვაქვს ჟურნალისტებთან . ჩვენ გახსნილი ვართ ყველასთვის,“ - ამბობს ჯავახია.