ბავშვთა დაცვის დღეს ქუთაისში საქველმოქმედო კონცერტი იგეგმება

1-ლ ივნისს, ბავშვთა დაცვის საერთაშორისო დღეს, 18:30 საათზე ქუთაისის ბალანჩივაძის სახელობის ოპერისა და ბალეტის პროფესიულ სახელმწიფო თეატრში საქველმოქმედო კონცერტი გაიმართება. კონცერტში მონაწილეობას თბილისის სახელმწიფო კამერული ორკესტრი „საქართველოს სინფონიეტა“ მიიღებს.
საქველმოქმედო კონცერტი ქუთაისში კლასიკური მუსიკის დაცვის, განვითარებისა და პოპულარიზაციის ცენტრის ინიციატივით იმართება და მასზე დასწრება თავისუფალია.