ქუთაისის მერია სატრანსპორტო ხაზების ახალ მფლობელებს მაღალი ქულებით შეარჩევს

ქუთაისის მერიაში ვადაგასულ სატრანსპორტო ხაზებზე ახალი გადამყვანების გამოსავლენად კონკურსი მიმდინარეობს. კონკურსს, რომელიც 18 საქალაქო ხაზს ეხება, ნებართვის მაძიებელი ან უფლებამოსილი პირი ესწრება.



„კონკურსის მიმდინარეობის ჩაწერა 3 კამერით, ხოლო კონკურსის პირდაპირი ტრანსლირება მერიის შენობის მისაღებში ხდება. კონკურს ესწრება ნებართვის მაძიებელი ან უფლებამოსილი პირი. სხვა დაინტერესებული პირები კონკურსის მიმდინარეობას თვალს მონიტორზე ადევნებენ,“ - აცხადებენ მერიის პრესსამსახურში.

კონკურსი M2 კატეგორიის 18 მიკროსაავტობუსო ხაზზე ( №№3, 5,6,9,11,18, 20, 26, 37, 38, 39, 44, 48, 50, 55,100, 200 მარცხენა და 200 მარჯვენა მარშრუტები) მიმდინარეობს. ახალი გადამყვანების შერჩევის პროცესს მერიაში სპეციალურად შექმნილი კომისია ხელმძღვანელობს. კომისია, რომელიც 10 ადამიანისგან შედგება, ქალაქის მერი თავმჯდომაროებს.

ქუთაისის მერია სატრანსპორტო ხაზების ახალ მფლობელებს მაღალი ქულებით გამოავლენს. ნებართვებს კი 2 კვირის ვადაში გასცემს.