ქუთაისის მერის დავალებით მოქალაქეებისათვის საფრთხის შემცველ ხეებს შეამოწმებენ

ქუთაისში ცენტრალურ ბაღში სტიქიამ ასწლოვანი ხე ძირფესვიანად მოთხარა. თვითმხილველთა განცხადებით, იმ დროს ადგილზე ბავშვები იმყოფებოდნენ, რომელთაც შემთხვევის ადგილიდან გაქცევა სწრაფად მოახერხეს. შემთხვევა გუშინ მოხდა.



ქუთაისის კეთილმოწყობის სამსახურის უფროსის მალხაზ ბასილაძის განცხადებით, ქალაქის მერის დავალებით სპეციალური ჯგუფი უკვე შეიქმნა. ჯგუფის წევრები იმ ხეებს შეამოწმებენ, რომლებიც მოქალაქეებისთვის საფრთხის შემცველია.





„უცებ ამოვარდა ქარი და წააქცია ასწლოვანი ხეები. შემთხვევას საბედნიეროდ მსხვერპლი არ მოჰყოლია. ქალაქის მერმა სპეციალისტებით დაკომპლექტებული ჯგუფი შექმნა. ამის შემდეგ მოხდება თითოეული ხის აღწერა- დაფიქსირება, წლოვანების,ჯიშების დადგენა, გაკეთდება სრული ნუსხა და გვეცოდინება თუ რომელი მოიჭრას და შეიცვალოს ახალი ნარგავებით,“ -ამბობს მალხაზ ბასილაძე.

გიორგი აბაზაძე