დამოუკიდებლობის დღისადმი მიძღვნილმა გამოფენამ ქუთაისს მერს ბავშვობა გაახსენა

ქუთაისში, თიბისი გალერეაში მხატვარ ნინო ჩიკვაიძის გამოფენა გაიხსნა. გამოფენაზე წარმოდგენილი იყო მხატვრის მიერ სხვადასხვა დროს შესრულებული ნახატები, ფერწერული ნამუშევრები და საბავშვო წიგნების ილუსტრაციები. გამოფენის ქუთაისში მოწყობის იდეა შორენა თვალაძეს ეკუთვნის. გამოფენის ორგანიზება კი საკუთარ თავზე ქუთაისის მერიამ აიღო.
" მიხარია, რომ ქუთაისში მაქვს გამოფენა. ჩემი წინაპრებიც აქედან არიან. ბავშვობიდან ვხატავ. თბილისს გარეთ ეს ჩემი პირველი პერსონალური გამოფენაა. ორგანიზატორებმა სწორედ დამოუკიდებლობის დღეს დაამთხვიეს ეს ღონისძიებები. მადლობას ვუხდი მერიის კულტურის სამსახურს თანადგომისთვის,"-განაცხადა ნინო ჩიკვაიძემ.
გამოფენაზე ქუთაისის მერი შოთა მურღულია და იმერეთის გუბერნატორის პირველი მოადილე პაატა ნადირაძე იმყოფებოდნენ.
"მიხარია რომ დღეს ქუთაისში მოეწყო ეს გამოფენა, სასიამოვნო ნამუშევრებია. ბავშვობა გამახსენა მე პირადად,"-განაცხადა ქუთაისის მერმა შოთა მურღულიამ.
"ძალიან მომეწონა ნამუშევრები. აღფრთოვანებული ვარ მე პირადად. ზოგაგად ვიცნობ მის შემოქმედებას. თითოეული ნახატი გაფიქრებაა და თითოეული ნახატი ფიქრობს თითქოს,"-ამბობს ერთ-ერთი დამთვალიერებელი მაიკო გიორგაძე.
თიბისი გალერეაში გამოფენა ერთი კვირის განმავლობაში გაგრძელდება. მხატვრის ნამუშევრების დათვალიერება ნებისმიერ მსურველს შეეძლება.

თამუნა სხულუხია