ქუთაისში 3 მცირეწლოვანი ბავშვის დედა დახმარებას ითხოვს

ქუთაისში 3 მცირეწლოვანი ბავშვის დედა დახმარებას ითხოვს.
მეორე წელია ქრისტინე თოფურია შვილებთან ერთად ავტოქარხანაში, აეროპორტის მიმდებარე ტერიტორიაზე ავტოფარეხში ცხოვრობს.
ფართი, რომელშიც თოფურიები ცხოვრობენ ოჯახს მერიამ გამოუყო, თუმცა შენობაში ცხოვრება გაუსაძლისია.

"შენობა ნესტიანია და წყალი ჩამოდის. დენი მერიამ დიდი თხოვნის შედეგად შემომოყვანა. წყალი არ გვაქვს და ამიტომ ხშირად გვიხდება წყლის ზიდვა გარეთ, ეზოში არსებული ონკანიდან. საცხოვრებელში ასევე არ გვაქვს საპირფარეშო და სველ წერტილზე ლაპარაკი ზედმეტია. ჩემი პირველი ქმარი გარდაცვლილია,რომლისგანაც სამი შვილი მყავს. უფროსი ვაჟი გიორგი საღორიის ბავშვთა სოფელშია, ხოლო ორი მცირეწლოვანი ბავშვი ჩემთან ერთად ცხოვრობს. მეორე ქმარი ხულიგნობის გამო დააპატიმრეს. ოჯახს სწორედ ის არჩენდა , სანამ ციხეში აღმოჩნდებოდა,"-ამობს ქრისტინე თოფურია.

ქუთაისის მერიის საბინაო სამსახურის უფროსი ვლადიმერ ნაკაშიძე აცხადებს, რომ ქუთაისში მსგავსი ტიპის ოჯახებისათვის სოციალური სახლის მშენებლობა იგეგმება, ამის შემდეგ შესაბამისი კომისია იმსჯელებს პირველ ეტაპზე რომელი ოჯახები შესახლდება აღნიშნულ სოციალურ სახლში.







თამუნა სხულუხია