ქუთაისში 3 მამაკაცი ბასრი საგნით დაჭრეს

ქუთაისში სასტუმრო "მთის ბროლში" 3 მამაკაცი დაჭრეს.
შემთხვევა 3 დღის წინ მოხდა.
როგორც დაჭრილების ახლობლები ჰყვებიან, მათთვის უცნობი ნასვამ მდგომარეობაში მყოფი პირი, მუქარით შეიჭრა ერთ-ერთი დევნილის ოჯახში და მის მიმართ არსებული ვალის დაბრუნებას ითხოვდა, რასაც ურთიერთშელაპარაკება მოჰყვა, რის შემდეგადაც მამაკაცმა კორპუსში მცხოვრები 3 დევნილი დაჭრა.
დაჭრილებიდან 2 საავადმყოფოდან უკვე გამოწერეს, ერთი კი ქუთაისის კლინიკურ საავადმყოფოში ამ დრომდე რჩება.

მომხდარს შინაგან საქმეთა სამინისტროში ეხმაურებიან, უწყების პრესსამსახურის თქმით, დაჭრაში ბრალდებული სამართალდამცველებმა ადგილზევე დააკავეს. მომხდარზე გამოძიება117-ე მუხლით მიმდინარეობს , რაც ჯანმრთელობის განზრახ მძიმე დაზიანებას გულისხმობს.