ქუთაისში, თამარ მეფის ქუჩაზე ორმა მამაკაცმა ერთმანეთი დაჭრა (+3 ფოტო)

ქუთაისში, თამარ მეფის ქუჩაზე ორმა მამაკაცმა ერთმანეთი დაჭრა.
როგორც თვითმხილველები აცხადებენ, შემთხვევა ურთიერთშელაპარაკების ნიადაგზე მოხდა.
ცივი იარაღით დაჭრილი ახალაგაზრდები სასწრაფო სამედიცინო დახმარების ეკიპაჟებით ქუთაისის საავადმყოფოში გადაიყვანეს.
"რაღაც საკითხზე ერთმანეთს წაეკამათნენ, შემდეგ კი სისხლი დავინახე. უცებ სასწრაფო დახმარება მოვიდა და როგორც გავიგე, დაჭრილები საავადმყოფოში გადაიყვანეს“, - ამბობს თვითმხილველი მერაბ ვარდანიძე.
როგორც მედიკოსებმა topnews.com.ge-ს განუცხადეს, მათ პირველადი სამედიცინო დახმარება გაუწიეს, ამის შემდეგ კი სახლში გაწერეს.
მომხდარზე შინაგან საქმეთა სამინისტრომ მოკვლევა უკვე დაიწყო, საქმე 118-ე მუხლითაა აღძრული, რომელიც სხეულის მსუბუქად დაზიანებას ითვალისწინებს.