გელათის მონასტრის მიმდებარე ტერიტორიას ასხვისებენ?-რა იგეგმება მონასტერთან ახლოს?

გელათის მონასტრის მიმდებარე ტერიტორიაზე არსებული ტყე შესაძლოა გასხვისდეს. ამის შესახებ ინფორმაციას თეოლოგი კონსტანტინე ქათამაძე ავრცელებს.
თეოლოგის ინფომაციით, გელათის მონასტრის მიმდებარე ტერიტორიაზე უდიდესი ტურისტული ბაზისა და ფეშენებელური ვილების აგება იგეგმება.



„გავრცელდა ინფორმაცია იმის შესახებ რომ, კერძო ინვესტორსა და სამთავრობო ჯგუფის წარმომადგენლებს შორის გამართულ კულუარულ-დახურულ შეხვედრაზე გადაწყდა-გელათის სამეფო მონასტრის მიმდებარედ არსებული სატყეო სექტორის კერძო საკუთრებაში გადაცემა, სადაც სავარაუდოდ პროექტით განსაზღვრულია უდიდესი ტურისტული ბაზისა და ფეშენ-ვილების აგება. გთხოვთ ყველას, მამულიშვილნო-მართლმადიდებელნო, სასწრაფოდ გადავამოწმოთ ჩვენი შესაძლებლობების ფარგლებში მოცემული ინფორმაციის ობიექტურობა, რათა სასწრაფოდ იქნას რეაგირება მიღებული ერისა და დედაეკლესიის მიერ. დავიცვათ "მეორე იერუსალიმი" სამუზეუმო ექსპონატად გადაქცევისაგან და წმინდა-ასკეტ მამათა სავანეები ანტიქრისტეს მსახურთა ხელყოფისაგან. წმ. საბას , წმ. ელიას ,წმ. ნინოს სახ. ლავრები და ბერის ციხე-ეს ხომ წმინდა სავანეებია, რომლებიც ღირს მამათა ცრემლითა და მოწამებრივი სისხლით არის მადლმოსილი,“ - აცხადებს კონსტანტინე ქათამაძე.

საინფორმაციო სააგენტო Topnews.com.ge გავრცელებულ ინფორმაციასთან დაკავშირებით კომპეტენტური პირების კომენტარებს უახლოეს პერიოდში მოგაწოდებთ.