გუგული მაღრაძე ქუთაისელ სტუდენტებს: ჩვენ დიდი წარმატება გვაქვს

საპარლამენტო უმრავლესობის წევრი გუგული მაღრაძე ქუთაისელ სტუდენტებს შეხვდა. შეხვედრა პროგრამის ,,ღია თვითმართველობის პარტნიორობა“ ფარგლებში შედგა. პროგრამას, რომლის განხორციელებაში საქართველოს პარლამენტია ჩართული, აკაკი წერეთლის სახელმწიფო უნივერსიტეტის სტუდენტები გაეცნენ.
,,ღია თვითმართველობის პარტნიორობის“ ფარგლებში პარლამენტი თავის თავზე იღებს იყოს გამჭვირვალე და ანგარიშვალდებული იმისთვის, რომ ადამიანებმა მეტი იცოდნენ რას აკეთებს მთავრობა და პარლამენტი. ჩვენ დიდი წარმატება გვაქვს იმ მხრივ, რომ საკმაოდ გამჭვირვალეა პარლამენტის მუშაობა, მოსახლეობას აქვს ბიუჯეტის შესახებ ინფორმაცია, მაგრამ მოქალაქეთა ჩართულობა ქვეყნის მართველობის საქმეში ნაკლებია. ეს, ასევე უნდა გააკეთოს პარლამენტმა და ჩვენ ვცდილობთ მოსახლეობას, სტუდენტებს გავაცნოთ რა არის ეს პროგრამა, რომ გავზარდოთ მოქალაქეთა ჩართულობა. ასეთ შემთხვევაში მოქალაქეებიც მოგებულები დარჩებიან და ჩვენც განვახორციელებთ ჩვენს ძირითად მისიას- უკეთესად ვმართოთ ქვეყანა,‘’ განაცხადა topnews.com.ge-სთან საუბარში გუგული მაღრაძემ.
,,ღია თვითმართველობის პარტნიორობის" პროექტში საქართველო სხვა 65 ქვეყანასთან ერთადაა ჩართული.

თიკო ძოძუაშვილი