"თამარობა" გეგუთის ციხეში

14 მაისს საქართველოს მართმადიდებლური ეკლესია წმინდა მეფის, თამარის ხსენების დღეს აღნიშნავს. ყოველი წლის ამ დღეს კი, ,,თამარობა“, როგორც სახალხო დღესასწაული წყალტუბოს მუნიციპალიტეტის სოფელ გეგუთში აღინიშნება.
დღესასწაულის ფარგლებში გეგუთის კულტურის სახლისა და გამგეობის ორგანიზებით დაგეგმილია სხვადასხვა კულტურული და სპორტული ღონისძიება, წარმოდგენილი იქნება ფოლკლორული თუ თეატრალური ნომრები, მოეწყობა შეჯიბრი სპორტის სახეობებში და გაიმართება დოღი.
,,წვიმიანი ამინდის შემთხვევაში ღონისძიების ნაწილი ჩატარდება კულტურის სახლში, სადაც "თამარობის“ სტუმრებს ვუმასპინზლებთ“, -განაცხადა topnews.com.ge-სთან საუბარში წყალტუბოს რაიონის სოფელ გეგუთის გამგებელმა გრიგოლ სანებლიძემ.
უკვე დადგინდა, რომ გეგუთის ციხე თამარის ეპოქისაა და წყაროებზე დაყრდნობით მე-4 საუკუნით ათარიღებენ. გეგუთის ციხე ფეოდალური ხანის სამეფო ტიპის სასახლეებს შორის ერთადერთი კარგად შემონახული ძეგლია.



ამჟამად ციხეზე არქეოლოგიური სამუშაოები მიმდინარეობს და გეგუთის ციხის განვითარების კონცეფციის გამოცხადების შემდეგ გადაწყდება მთლიანად აღდგება ციხე თუ კონსერვირდება.
აღსანიშნავია, რომ გეგუთის ციხე მალე შეუერთდება დასავლეთ საქართველოს ტურისტული ობიექტების რიცხვს.

თიკო ძოძუაშვილი