ქუთაისში გაჩენილ ხანძარს მსხვერპლი მოჰყვა

ქუთაისში, ბუხაიძის ქუჩაზე, საცხოვრებელ კორპუსში გაჩენილ ხანძარს ერთი ადამიანის სიცოცხლე ემსხვერპლა.
მეზობლების თქმით, კორპუსში რამდენიმე საათის განმავლობაში ელექტროენერგია გათიშული იყო და ცეცხლი სავარაუდოდ ანთებული სანთლიდან გაჩნდა.
ბინაში, სადაც ხანძარი გაჩნდა, ბაბუა და შვილიშვილი იმყოფებოდნენ. ახალგაზრდა მამაკაცი საავადმყოფოში მიყვანამდე გარდაიცვალა, ხანშიშესული მამაკაცის სიცოცხლეს კი ექიმების თქმით, საფრთხე არ ემუქრება.
ადგილზე იმყოფებოდნენ სახანძრო და საგანგებო სიტუაციების მართვის სამსახურის წარმომადგენლები. მობილიზებული იყო საპატრულო პოლიცია.