ქუთაისის მერიის დაფინანსებით გელათის აკადემიაში რესპუბლიკური კონფერენცია მოეწყო

„საქართველო-კულტურული ვაზისა და ღვინის სამშობლო“ -ასეთი იყო იმ კონფერენციის სახელწოდება, რომელიც გელათის სამეცნიერო აკადემიაში მიმდინარეობდა. რესპუბლიკურ კონფერენციაში მონაწილეობა მთელი ქვეყნის მასშტაბით 200 -მდე მოსწავლემ მიიღო. ღონისძიება ქუთაისის მერიამ დააფინანსა და ორგანიზება ქუთაისის კულტურულ, სახელოვნებო და საგანმანათლებლო დაწესებულებათა გაერთიანებამ გასწია. კონფერენციას ქუთაისის მერი შოთა მურღულია დაესწრო, რომელმაც მონაწილეები სიგელებითა და სამახსოვრო საჩუქრებით დააჯილდოვა. გელათის სამეცნიერო აკადემიაში, კონფერენცია „საქართველო-კულტურული ვაზისა და ღვინის სამშობლო“ მესამედ მოეწყო.