ქუთაისში გაჭირვებულ ოჯახებს საკვებით დაეხმარებიან

არასამთავრობო ორგანიზაცია „კამპუს ლაიენს ქლაბ ქუთაისი“ (Campus Lions Club Kutaisi) აცხადებს მოხალისეების მიღებას პროექტ „საჭმლის ბანკის“ (Food Bank) ფარგლებში. აღნიშნული პროგრამის ფარგლებში მოხალისეები ორგანიზებას გაუწევენ არამალფუჭებადი საკვების შეგროვებას სიღარიბის ზღვარს ქვემოთ მყოფი ოჯახებისათვის.
„საჭმლის ბანკი“ ქუთაისში მეორე წელია ხორციელდება. გასულ წელს ქუთაისის მერიის მხარდაჭერით და მშვიდობის კორპუსის მოხალისეების მონაწილეობით, პროგრამა 20 ოჯახს დაეხმარა.
„საჭმლის ბანკი“ არის პროექტი, სადაც ახალგაზრდებს, რომლებიც მიიღებენ მონაწილეობას, მიეცემათ იმის შესაძლებლობა რომ მეტი გაიგონ მოხალისეობის შესახებ და ამასთანავე დაეხმარონ მათ, ვისაც ძალიან უჭირთ.
პროგრამის ფარგლებში მოხალისეებს ჩაუტარდებათ ტრენინგები,“ - აცხადებენ ორგანიზაციაში.
პროგრამის განხორციელება მიმდინარე თვიდან დაიწყება.