"იდღეგრძელე საქართველო," - გამოფენა ქუთაისში

ქუთაისში, დავით კაკაბაძის სახელობის სახვითი ხელოვნების გალერეაში საერთაშორისო გამოფენა სახელწოდებით "იდღეგრძელე საქართველო" გაიხსნა. გამოფენა ორმაისობას, ქუთაისელთა სახალხო დღესასწაულს მიეძღვნა. გამოფენაზე წარმოდგენილია გალერიის ფონდიდან სხვადასხვა წლებში საერთაშორისო პლენერებზე შესრულებული ნამუშევრები. დამთვალიერებელს გერმანიის, კუბის, პოლონეთის, ბულგარეთის, სომხეთის, აზერბაიჯანის, რუსეთის და უკრაინის ცნობილი მხატვრების ფერწერული ტილოების ხილვა შეუძლია.
"ხელოვნების, მხატვრობის მოყვარულთათვის გალერიის კარები ღიაა,"- განაცხადა გალერიის დირექტორმა ელისო ჩოგოვაძემ.
დავით კაკაბაძის სახელობის გალერეაში გამოფენა მაისის ბოლომდე გაგრძელდება.