ქუთაისში მდებარე პარლამენტის შენობასთან ირაკლი ალასანიამ განცხადება გააკეთა

თავდაცვის ყოფილი მინისტრი ირაკლი ალასანია საპარლამენტო უმრავლესობას მიმართავს.
„თავისუფალი დემოკრატების“ ლიდერის თქმით, მთავრობის ამ შემადგენლობას ქვეყნის განვითარების არანაირი ხედვა და გეგმები არ აქვს.

„გუშინდელმა განხილვებმა დაგვანახა, რომ ხელისუფლებას არანაირი გეგმა არ აქვს ქვეყნის მაკროეკონომიკური სტაბილურობის მიღწევის. არც ანტიკრიზისული გეგმა, რომელიც ლარის კურს გაამყარებს და ჩვენს მოსახლეობას, რომელიც ყოველდღიურად ღატაკდება და რაიმე ელემენტალურ გარანტიას მისცემს, რომ სიტუაცია არ გაუარესდება. არ არის კონკრეტული გეგმა, როგორ აპირებენ ინფრასტრუქტურულ პროექტებში ინვესტიციების ჩადებას და ეს ბუნებრივია, კიდევ უფრო ამყარებს უიმედობას ამ ხელისუფლების და საქართველოს მიმართ როგორც, საინვესტიციო კუთხით მომხიბვლელი ქვეყნის მიმართ. მე მინდა ვთქვა, რომ ვინც ამ მთავრობას მხარს დაუჭერს დღეს, ის თითოეული დეპუტატი პასუხისმგებლობას აიღებს იმ უმოქმედობაზე, რომელიც კიდევ ერთხელ შემოგვთავაზა ამ მთავრობამ“, - განაცხადა ალასანიამ.