"ძირს კრემლის მონა მთავრობა, გადაშენდით," - აქცია პარლამენტთან

“ძირს უნიათო ხელისუფლება“, „ძირს ბიძინა ივანიშვილი“, „საქართველოს გაუმარჯოს ბიძინა ივანიშვილის გარეშე“, „ძირს კრემლის მონა მთავრობა,“ – „გადაშენდით,“ - ამ სლოგანებით ქუთაისში, პარლამენტის შენობასთან მთავრობის საქმიანობით უკმაყოფილო მოქალაქეების აქცია გაიმართა.




აქციის მონაწილეებმა მთავრობას გადადგომისაკენ მოუწოდეს. მათი განცხადებით, „ქართული ოცნების“ ხელისუფლება ქვეყნის მართვასა და ქვეყანაში არსებული პრობლემების მოგვარებას ვერ უზრუნველყოფს.



"გარეთ გამოდი ღარიბაშვილო და ივნაიშვილო. გამწარებულ ივარ, მშია, მწყურია. საჭმელი არ არის და სასმელი. მთავრობა უნდა წავიდეს. სუყველა წადით. მიშას დროს აყვავებული იყო ქვეყანა," - ამბობს აქციის ერთ-ერთი მონაწილე გულნაზი გოგალაძე.
აქცია „ნაციონალური მოძრაობის“ ორგანიზებით შედგა.
შეგახსენებთ,რომ საქართველოს პარლამენტმა დღეს მთავრობის ახალ შემადგენლობას ნდობა უნდა გამოუცხადოს.