ქუთაისს პრინცი სტუმრობს

იმერეთის გუბერნატორმა და ქუთაისის მერმა მერიის ადმინისტრაციულ შენობაში ბაგრატიონთა შტოს წარმომადგენელს, პრინც იოანე ბაგრატიონს უმასპინძლეს.
იოანე ბაგრატიონის განცხადებით, ის მეუღლესთან ერთად ქუთაისში, ქალაქის დღესასწაულზე დასასწრებად იმყოფება.
„ქუთაისობის დღესასწაულისთვის სპეციალურად ჩამოვედი. ვაპირებ ხვალ ღონისძიებებს დავესწრო. ეს ჩემი პირველი ვიზიტია ამ ქალაქში,“ - აცხადებს პრინცი.
ცნობისთვის, ხუან იოანე ბაგრატიონი, რომელსაც ქუთაისელი მეუღლე ქრისტინე ძიძიგური ჰყავს, ესპანეთში ცხოვრობს.