ნატო ქათამაძე თავდაცვის მინისტრის მოადგილედ ინიშნება?

ქვეყნის პრემიერის ირაკლი ღარიბაშვილის გადაწყვეტილებით, საქართველოს თავდაცვის მინისტრის პოსტზე მინდია ჯანელიძეს პარლამენტის წევრი თინა ხიდაშელი ჩაანაცვლებს.
გავრცელებული ინფრომაციით, თავდაცვის ახალი მინისტრის ერთ-ერთი მოადგილე ქუთაისის საკრებულოს წევრი, „რესპუბლიკელი“ ნატო ქათამაძე იქნება. ქათამაძე გამარჯვების ოლქის მაჟორიტარი დეპუტატია. ის ასევე პარლამენტის თავმჯდომარის თანაშემწეც იყო, თუმცა აღნიშნული თანამდებობა ცოტა ხნის წინ დატოვა.
Topnews.com.ge გავრცელებული ინფორმაციის გადამოწმებას თავად ნატო ქათამაძესთან შეეცადა.
„ასეთი კარგი რაღაც პირველად გავიგონე. რატომაც არა. პირველად მესმის თქვენგან. თუ ვინმე რაიმეს ფიქრობს, არ ვიცი,“ - ამბობს ნათო ქათამაძე.
შეგახსენებთ, რომ საკანონმდებლო ორგანო მთავრობის ახალი შემადგენლობისათვის ნდობის გამოცხადებას მიმდინარე კვირის ბოლოს, რიგგარეშე სესიაზე გეგმავდა, თუმცა პრეზიდენტის გადაწყვეტილებით მთავრობის დამტკიცება ერთი კვირით გადაიდო.