ქუთაისს ახალი, ჯაზის ქუჩა შეემატება

ქუთაისში ცოცხალი მუსიკის შესრულებით ახალი ქუჩა, სახელწოდებით "Street of JAZZ" გაიხსნება.
სპეციალურად ამ დღესთან დაკავშირებით ქუთაისში თბილისიდან ჯგუფი "LOST IN MUSIC" ჩამოვა.
ჯგუფის წევრთა განცხადებით, ისინი ყოველთვის მზად არიან გვერდში დაუდგენ ქუთაისს კულტურული ცხოვრების განვითარებაში და საკუთარი წვლილი შეიტანონ აღნიშნულ საქმეში.
Topnews.com.ge-მ მოახერხა ტელეფონით გასაუბრებოდა ჯგუფის წევრებს. მსმენელისათვის კარგად ნაცნობი მუსიკის გარდა, ჯგუფი ქუთაისელ მსმენელს კიდევ ერთ ახალ კომპოზიციას შესთავაზებს, რომელსაც ამ დროისათვის სიურპრიზად ტოვებენ.
"ქუთაისიდან დაგვირეკეს. გვთხოვეს მონაწილეობა მიგვეღო ახალი ქუჩის გახსნაში და ჩვენი მუსიკალური კომპოზიცია შეგვესრულება. სავარაუოდ ეს იქნება ცოცხალი შესრულება, რაზეც დავთანხმდით, ვინაიდან დასწრება უფასოა. მსმენელის მოსვლის მოლოდინიც დიდი გვაქვს. ასევე ვფიქრობთ, რომ ამ ქუჩაზე ისეთი პროექტები იქნება, რომელიც სამომავლოდ აუცილებლად გაამართლებს,"-ამბობს Lost in music- ის სოლო გიტარისტი ნიკა ჯანელიძე.
ცნობისთვის ქუჩის გახსნა 3 მაისს, 13:00 საათზე იგეგმება.

გიორგი აბაზაძე