ქვეყნის პრეზიდენტს მთავრობა დაიცავს

ქვეყნის პრეზიდენტის სპეციალური დაცვის სამსახური უქმდება.
„სახელწმიფო დაცვის სპეციალური სამსახურის შესახებ“ კანონში ცვლილებებს დეპუტატებმა დღეს, მეორე მოსმენით უყარეს კენჭი.
„თუ ამ დრომდე სახელმწიფო დაცვის სპეციალური სამსახური ორ-მთავრობის და პრეზიდენტის დაქვემდებარებაში მყოფ ნაწილებად იყო დაყოფილი, კანონის ამოქმედების შემდეგ ერთიანი სამსახური იარსებებს. ახლა როდესაც პრეზიდენტის უფლებები იზღუდება, პრეზიდენტს თავისი დაცვის სპეციალური სამსახური აღარ ეყოლება. პრეზიდენტს რა თქმა უნდა დაცვას არავინ უხსნის, მაგრამ ის მთავრობას დაექვემდებარება,“ - ამბობს პარლამენტის ვიცე-სპიკერი მანანა კობახიძე.