„ნუ დამტოვებთ ბაღში“- აქცია ქუთაისში

ქუთაისში, პარლამენტის შენობასთან საპროტესტო აქცია - „ნუ დამტოვებთ ბაღში“ გაიმართა.
აქციის მონაწილეები განათლების სამინისტროს იმ კანონს აპროტესტებებენ, რომლის მიხედვითაც თუ ბავშვი 16 სექტემბრამდე 6 წლის არ იქნება, მას პირველ კლასში არ მიიღებენ.
„ჩემი შვილი პირველ ოქტომბერს ხდება 6 წლის. სულ რამდენიმე კვირის გამო, ბავშვი სკოლაში ვერ შემყავს. ძალიან ცუდი კანონია და ამ კანონის გამო, კიდევ ერთი წელი ბაღში უნდა ვატარო. ისედაც 12 წელი გახადეს სწავლება და ალბათ, 20 წლის იქნება სკოლას რომ დაამთავრებს“, - აცხადებს აქციის ერთ-ერთი მონაწილე მერი ბოლქვაძე.