ქუთაისის მერის მანქანასთან მრავალშვილიანი, სოციალურად დაუცველი მამაკაცი მჯდომარე აქციას მართავს

ქუთაისის მერის მანქანასთან მრავალშვილიანი, სოციალურად დაუცველი მამაკაცი მჯდომარე აქციას მართავს.
სოციალურად დაუცველი მამაკაცის განცხადებით, ქუთაისის მერი მას თვეებია, დახმარებას ჰპირდება, თუმცა უშედეგოდ.
დავით გვეტაძის თქმით, გასულ კვირას ქუთაისი მერს ის ადგილობრივი თვითმმართველობის შენობასთან დახვდა და დაპირებული დახმარება შეახსენა, შოთა მურღულიამ კი უთხრა, რომ ის მას ორშაბათს, საკუთარ კაბინეტში შეხვდებოდა.

„მოვედი, შესვლა მინდოდა, თუმცა დაცვა შენობაში არ მიშვებს. მრავალშვილიანი, სოციალურად დაუცველი მარტოხელა მამა ვარ. არავინ არ მეხმარება და მინდოდა მეთქვა, რომ ელემენტარულად დამხმარებოდნენ. ვიდრე მერიის წარმომადგენელი არ ჩამოვა და შოთა მურღულიას არ შეატყობინებს, რომ შემხვდეს, მანამდე მის მანქანასთან ვიქნები და მას მანქანის დაძვრის საშუალებას არ მივცემ“, - აცხადებს დავით გვეტაძე.

სოციალურად დაუცველი მამაკაცი დახმარებას თვეების წინაც ითხოვდა. მაშინ ქალაქის მერიაში აცხადებდნენ, რომ მამაკაცს ადგილობრივი თვითმმართველობა პერიოდულად, ერთჯერადად ეხმარება.