ზესტაფონში ოთხი საათის განმავლობაში საკრებულოს სხდომა ხმაურის ფონზე მიმდინარეობდა

ზესტაფონის მუნიციპალიტეტში ოთხი საათის განმავლობაში საკრებულოს სხდომა ხმაურის ფონზე მიმდინარეობდა.
მთავარი საკითხი საფეხბურთო კლუბ „ზესტაფონის“ დაფინანსება იყო. დეპუტატების უმრავლესობამ კენჭისყრის შედეგად თავი შეიკავა კლუბის ნახევარი მილიონი ლარით დაფინანსებაზე.

„მრცხვენია "ქართული ოცნების“ და დღევანდელი საკრებულოსი. მათ სამარცხვინო გადაწყვეტილება მიიღეს. საფეხბურთო კლუბმა „ზესტაფონმა“ ფაქტობრივად დღევანდელი გადაწყვეტილებით არსებობა შეწყვიტა“, - განაცხადა კლუბის ქომაგმა ზაურ დოლიძემ.

საკრებულოს თავმჯდომარის დავით მაღრაძის თქმით, მათ კლუბის დაფინასნების სამართლებრივი ფორმა ვერ მოძებნეს.

„მოგეხსენებათ, კლუბის მფლობელი ბიზნესმენი ილია კოკაიაა. ის უარს ამბობს კლუბის დაფინასნებაზე და ზესტაფონის გამგეობას 50%-იან წილს გვთავაზობს, თუმცა ამ წინაადებაზე დათანხმების შემთხვევაში ჩვენ იმ ვალების თანაზიარი უნდა გავხდეთ, რომელიც კლუბს აქვს“, - აცხადებს დავით მაღრაძე.