სალომე ჯორბენაძის მკვლელობის საქმეზე სასამართლო განაჩენს დღეს გამოიტანს

ქუთაისის საქალაქო სასამართლო დღეს სალომე ჯორბენაძის მკვლელობის საქმეზე განაჩენს გამოიტანს.
22 წლის სალომე ჯორბენაძე ზესტაფონში 2014 წლის 25 ივლისს მოკლეს.
მკვლელობაში ბრალდებული მისი ყოფილი მეუღლე, პოლიციის თანამშრომელი, სერგი საცერაძეა.
სერგი საცერაძეს ბრალი განზრახ მკვლელობაში ედება (საქართველოს სისხლის სამართლის კოდექსის 108-ე მუხლი), რომელიც სასჯელის სახით 7-დან 15 წლამდე თავისუფლების აღკვეთას ითვალისწინებს.
დაზარალებულის უფლებამონაცვლის ინტერესებს საია წარმოადგენს.