იმერეთის მუნიციპალიტეტების გამგებლები და მათი პრესსამსახურები საზოგადოებასთან უკეთ ურთიერთობას სწავლობენ

წყალტუბოში მდებარე სასტუმრო „წყალტუბო პლაზაში“ საჯარო მოხელეებისათვის ტრენინგი მიმდინარეობს. ტრენინგის თემას ეფექტური კომუნიკაცია და საზოგადოებასთან ურთიერთობა წარმოადგენს.
ტრენინგ-სემინარში მონაწილეობას იმერეთის მუნიციპალიტეტების პირველი პირები და გამგეობების საზოგადოებასთან ურთიერთობის სამსახურის სპეციალისტები მონაწილეობენ.
ტრენინგის მიზანს იმერეთის რეგიონში ეფექტური თვითმმართველობის განხორციელება და გადაწყვეტილების მიღების პროცესში მოქალაქეთა ჩართულობის უზრუნველყოფა წარმოადგენს.
ტრენინგ-სემინარი იმერეთის მუნიციპალიტეტების ერთობლივი ინიციატივაა და ის ევრაზიის ფონდის მიერ ფინანსდება.