ქუთაისში ეზოების რეაბილიტაცია მიმდინარეობს

ქუთაისის მერმა შოთა მურღულიამ,საბინაო ინფრასტრუქტურის მართვისა და განვითარების სამსახურის უფროსთან ერთად, ხარებავას და ზურაბ ჭავჭავაძის ქუჩებზე ეზოების კეთილმოწყობის სამუშაოები დაათვალიერა.
ავტოქარხნის დასახლებაში თვის ბოლომდე 7 ეზო მოწესრიგდება. პარალელურად სამუშაოები ქუთაისის სხვადასხვა უბანში მიმდინარეობს. პირველ ეტაპზე მოწესრიგდება 32, ხოლო მეორე ეტაპზე 30 ეზო.
,, თანადაფინანსებით ხდება ეზოების კეთილმოწყობა, თვითმმართველობა აფინანსებს 90%-ს მოსახლეობა კი 10%-ს. წელს დაპროექტებულია 62 ეზო. წლის ბოლომდე ვეცდებით მოვიზიდოთ დამატებითი თანხები რათა ქალაქში მეტი ეზოს კეთილმოწყობა მოხდეს“- ამბობს შოთა მურღულია.