"ტორპედო"-ს ახალი სპონსორი ჰყავს

ქუთაისის საფეხბურთო კლუბმა „ტორპედომ“ ახალი სპონსორი იპოვა. მას შემდეგ, რაც კლუბის დაფინანსებაზე უარი თქვა კომპანია „ვისოლმა,“ „ტორპედო“ აქტიურად ეძებდა ახალ დამფინანსებელს. საუბარი იყო კლუბით ბანკირების დაინტერესებაზე, თუმცა ამ ბანკირების ვინაობა დღემდე არ გაჟღერებულა.

დღეს კი ცნობილი ხდება, რომ გუნდის გენერალური სპონსორი Europe-bet.com–ი გახდა. მხარეებს შორი ურთიერთთანამშრომლობის მემორანდუმი გაფორმდა, რომლის საფუძველზე Europe-bet.com 1 წლის განმავლობაში კლუბ „ტორპედო ქუთაისის“ გენერალური სპონსორი იქნება.

როგორც Europe-Bet.com -ში აცხადებენ, კომპანიის დაარსების დღიდან, ისინი საქართველოს ბაზარზე იკავებენ წამყვან პოზიციას ბუკმეკინგის და ონლაინ თამაშების სფეროში.

კომპანია 2010 წლიდან მხარს უჭერს და ასპონსორებს სპორტის სხვადასხვა ღონისძიებებსა თუ გუნდებს, მათ შორის: ბილიარდის ფედერაცია; საქართველოს ძალოსნობის ეროვნული ფედერაცია; საქართველოს ჭიდაობის ეროვნული ფედერაცია; საფეხბურთო კლუბი საბურთალო და ახლა უკვე „ტორპედო ქუთაისი“.