Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

"იმერეთის სამხარეო პოლიციის ელიტა ათასობით ლარის პრემიას იღებს"

თარიღი : 9-04-2015, 18:29 | კატეგორია: ახალი ამბები, სამართალი, მთავარი თემა   
topnews.com.ge
უფლებადამცველი ლედი ტუკვაძე იმერეთის სამხარეო პოლიციაში 2005 წლიდან-დღემდე, მაღალი თანამდებობის პირებზე გაცემული პრემიებით დაინტერესდა. როგორც ტუკვაძე აცხადებს, მისი ინფორმაციით, წლების განმავლობაში იმერეთის სამხარეო პოლიციის თანამშრომლები კოლოსალური რაოდენობის პრემიებს იღებდნენ. ადვოკატის ინფორმაციით, პრემიებს ამ დრომდე მაღალი თანამდებობის ის პირებიც იღებენ, რომლებიც ყოფილი ხელისუფლების დროს ზონდერ ბრიგადებს ხელმძღვანელობდნენ, დღეს კი სხვადასხვა მაღალ თანამდებობებეზე იმყოფებიან.
" მე მაინტერესებს რა დამსახურების მიხედვით იღებენ ადამიანები პრემიებს, რომლებიც საკუთარი კაბინეტებიდან არ გამოდიან და ყველა საქმეს იმ რიგით პოლიციელებს აბრალებენ, რომლებსაც სასაცილო ხელფასები აქვთ. შავ საქმეს, საქმეს, რომელიც შეიძლება სიცოცხლისთვის სარისკო იყოს აკეთებენ რიგითი პოლიციელები, რომლებსაც ძალიან დაბალი ხელფასები აქვთ, ხოლო მათი უფროსები ამ რიგითი პოლიციელების მიერ გახსნილი საქმეებით პრემიებს იწერენ,"- აცხადებს ტუკვაძე.
ადვოკატის თქმით, ის უხლოეს დღეებში იმერეთის სამხარეო პოლიციას საჯარო ინფორმაციის გამოთხოვასთან დაკავშირებით ოფიციალური წერილით მიმართავს და იმედოვნებს, რომ შსს მას საჯარო ინფორმაციას კანონით დადგენილ ფარგლებში, 10 დღის ვადაში მისცემს. ლედი ტუკვაძე ასევე სთხოვს გენერალურ ინსპექციას სამხარეო პოლიციაში არსებული კანონდარღვევებით დაინტერესდეს .
"2005 წლიდან დღემდე პოლიციაში გაიცა ასობით ათასი ლარის პრემია. მე დეტალურად გამოვითხოვ ინფორმაციას თუ ვისზე იცემოდა და იცემა დღემდე პრემიები, რა რაოდენების პრემია გაიცა და ასევე რა დამსახურებით. მე როგორც ვიცი, მათ ტაქტიკა შეცვალეს და საპრემიო ოქმებს შეცვლილი წესით ჩუმად იწერენ და პრემიებს ამ მეთოდებით იღებენ. მე ვფიქრობ, რომ გენერალური ინსპექცია აუცილებლად უნდა დაინტერესდეს აღნიშნულით,"- ამბობს ლედი ტუკვაძე.


ნანახია: 2436-ჯერ

მსგავსი სიახლეები
რა დამსახურებისთვის და რა პერიოდულობით იღებენ დანამატებსა და პრემიებს სამხარეო ადმინისტრაციის თანამშრომლები? აღნიშნულ კითხვაზე
ქუთაისში, საკუთარი საცხოვრებლიდან გამოსახლებული ლეილა ლომიძის საქმეს ადვოკატი და უფლებადამცველი ლედი ტუკვაძე ეხმიანება.
კვლავ გრძელდება სამართალდამცველების მხრიდან ადამიანების ცემა, წამება, არაადამიანური მოპყრობა და საპატიმროში უმიზეზოდ ჩასმა.
ქუთაისის მერიაში საახალწლოდ თანამშრომლებზე პრემიები არ გაიცემა.
ორგანიზაციის ინფორმაციით, 2015 წელს პრემიის სახით ყველაზე დიდი თანხა 63 960 ლარის ოდენობით, რაჭა-ლეჩუმისა და ქვემო სვანეთის
„თავისუფალი საქართველოს“ იმერეთის ორგანიზაცია ქუთაისის ადგილობრივ თვითმმართველობაში პრემიების გაცემის ტრადიციას გმობს.

ამინდი