ზესტაფონელი ფეხბურთელები დახმარებას ითხოვენ

კლუბ "ზესტაფონის" ფეხბურთელები, კლუბის ადმინისტრაციასთან ერთად დახმარებას ადგილობრივ ხელისუფლებას სთხოვენ და აცხადებენ, რომ თუ ორშაბათამდე კლუბის დაფინანსების საკითხი არ გაირკვა, ვარჯიშს შეწყვეტენ.
ზესტაფონის ადგილობრივ ხელისუფლებაში კი აცხადებენ, რომ კლუბის დაფინანსების მართლზომიერებასთან დაკავშირებთ ადგილობრივმა ხელისუფლებამ გასულ კვირას აუდიტის სამსახურს მიმართა და მათგან პასუხს ელოდებიან.
შეგახსენებთ, რომ კლუბი წლების განმავლობაში ბიზნესმენ ილია კოკაიას ეკუთვნოდა, თუმცა მან რამდენიმე კვირის წინ გადაწყვეტილება მიიღო, რომ კლუბს აღარ დააფინანსებდა.