"ქუთაისის მერმა თავისი ლენდკრუიზერიდან დაბლა ჩამოწიოს მინა და შეხედოს როგორ უჭირს ქალაქს"

არასამთავრობო ორგანიზაცია „ევროპა ჩვენი სახლია“ ქუთაისის ხელისუფლებას „ქამრების შემოჭერის“ პოლიტიკის ღალატში ადანაშაულებს.
ორგანიზაციის თავმჯდომარის გია გოქაძის თქმით, მიმდინარე წლის ორ მაისს, ქუთაისობის დღესასწაულზე ქალაქის მერია სხვადასხვა ღონისძიებასთან ერთად, ქალაქში ძაღლების საერთაშორისო გამოფენის მოწყობას გეგმავს. გამოფენის ორგანიზებისათვის კი ადგილობრივი ბიუჯეტიდან 15 348 ლარია გათვალისწინებული.
„ძაღლების საერთაშორისო გამოფენის მოწყობის წინააღმდეგი არ ვართ, მაგრამ ეს გამოფენა სპონსორების დაფინანსებით უნდა მოეწყოს და ფული ბიუჯეტიდან არ უნდა იხარჯებოდეს.
„ქუთაისის მერმა თავისი „ლენდკრუიზერიდან" დაბლა ჩამოწიოს მინა და შეხედოს როგორ უჭირს ქალაქს. თითქმის ყველა ობიექტს ქალაქში „იყიდება“ აწერია,“ - ამბობს გია გოქაძე.
არასამთავრობო ორგანიზაციის განცხადების საპასუხოდ ქალაქის მერიაში კომენტარის გაკეთებას მოგვიანებით გეგმავენ.