"მიმდინარეობს საყდრისის თქვლეფა, რასაც მხოლოდ ბიძინა ივანიშვილი ჭამს"

,,ხელები შორს საყდრისისაგან" ამ ლოზუნგით პარლამენტთან დღეს აქცია გაიმართა. ორგანიზატორები ,,თავისუფალი ზონა" და ნაციონალური მოძრაობის მხარდამჭერები იყვნენ. მათი განცხადებით საყდრისი მსოფლიო კულტურის ნაწილი და ისტორიული ძეგლია, რომელსაც დაცვა სჭირდება. აქციაზე გარდა საყდრისის დაცვის მოწოდებისა სხვა მოთხოვნებიც ისმოდა- ,,საქართველო ივანიშვილის გარეშე" და ,,მთავრობა უნდა გადადგეს." აქცის ორგანიზატორებმა, პერმანენტული, მასშტაბური აქციები დააანონსეს და განაცხადეს, რომ დღეს მხოლოდ საცდელი აქცია იყო.
,,ამ წუთშიც მიმდინარეობს საყდრისის თქვლეფა, ჭამს მხოლოდ ბიძინა ივანიშვილი. ის არ ეყო რომ საქართველოში ყველა მოატყუა, პენსიონერიდან დაწყებული იპოთეკარებით დამთავრებული და ახლა ანგრევს მსოფლიო კულტურის ნაწილს. საყდრისის ნგრევა უნდა შეჩერდეს, ეს არის ჩვენი მიზანი."_განაცხადა თავისუფალი ზონი"-ს წევრმა ნიკა ნარსიამ.