"საერთაშორისო გამჭვირვალობა საქართველო" ქუთაისის მერიის კონკურსის შედეგებს ეჭვქვეშ აყენებს"

არასამთავრობო ორგანიზაცია "ევროპა ჩვენი სახლია" ქუთაისის მერიაში ჩატარებული კონკურსის შედეგებთან დაკავშირებით არასამთავრობო ორგანიზაცია "საერთაშორისო გამჭვირვალობა საქართველო"-ს დასკვნას ეხმიანება.

"როგორც საზოგადოებას მოეხსენება, ქუთაისის მერიაში ჩატარებული კონკურსის შედეგად თითქმის ახლიდან დაკომპლექტდა მერიის სამსახურები.
მიმდინარე კონკურსის გამჭირვალეობის, კომიისიის მუშაობის და გადაწყვეტილებების მიღების პროცესში წევრთა ობიექტურობის შესახებ ჩვენი ორგანიზაცია იმთავითვე კითხვის ნიშნებს სვამდა, მაგრამ ქალაქის მერის მხრიდან გაკეთებული განცხადებების მიხედვით, კონკურსს მაღალავტორიტეტული არასამთავრობოები აკვირდებობდნენ და პროცესი უპრეცედენტოდ გამჭირვალე და ობიექტური იყო.

"ევროპა ჩვენი სახლია"-ს მაშინდელ შეფასებებს ერთ-ერთი სადამკვირვებლო ორგანიზაციის "გამჭირვალეობა საქართველოს" ახლახანს გაკეთებული შეფასები ემთხვევა.
ორგანიზაციის წარმომადგენლის განცხადებით, კონკურსანტების მიმართ დასმული შეკითხვების უმეტესობა რეალურად ვერ უზრუნველყოფდა კანდიდატის შესაბამისობის შემოწმების შესაძლებლობას დასაკავებელ თანამდებობასთან და არარელევანტური იყო, რაც რასაკვირველია ეჭვქვეშ აყენებს როგორც კონკურსის ბოლო კომპონენტის გასაუბრების, ასევე მთლიანად კონკურსის შედეგებს.

რეალურად მივიღეთ ქუთაისის მერის პირადი სიმპათიის მიხედვით შერჩეული საშტატო ნუსხა და სამსახურები, რომელთა მუშაობა კრიტიკას ვერ უძლებს.
არასამთავრობო ორგანიზაცია "ევროპა ჩვენი სახლია" ჩატარებული კონკურსის შედეგად შერჩეული სამსახურების უფუნქციობის და კანონით დაკისრებული სამუშაოს არასათანადოდ განხორციელების გამო, ქალაქზე უკვე ასახული, მიმდინარე და მოსალოდნელ შედეგებზე პასუხისმგებლობას პირადად მერს აკისრებს," - ნათქვამია ორგანიზაციის დამფუძნებლის თორნიკე ბარათაშვილის სახელით გაკეთებულ განცხადებაში.