ქუთაისის მერია 8 000-მდე მოსწავლის ჯანმრთელობის მდგომარეობის გამოკვლევა აფინანსებს

ქუთაისის საჯარო სკოლებში მოსწავლეთა პროფილაქტიკური გამოკვლევები მიმდინარეობს. მოზარდთა გამოკვლევის პროცესს ქუთაისის მერი შოთა მურღულია დაესწრო.
პროგრამა ზოგადსაგამანათლებო დაწესებულებებში სასკოლო პედიატრიის ხელისშეწყობისა და განვითარების მიზნით, პირველი, მეოთხე, მეხუთე და მეექვსე კლასის მოსწავლეების, პროფილაქტიკურ გამოკვლევას ითვალისწინებს. სამედიცინო აქცია 38 საჯარო და 8 კერძო სკოლაში მიმდინარეობს. პირველი და მეოთხე კლასის მოსწავლეების პროფილაქტიკურ- სამედიცინო გასინჯვებს ქირურგი და ორთოპედ-ტრავმატოლოგი აწარმოებს, ხოლო მეოთხე და მეხუთე კლასის მოსწავლეების პროფილაქტიკური გამოკვლევები ექიმი-ოფთალმოლოგის მიერ ხორციელდება.
,,8 000-მდე ბავშვის გამოკვლევა მოხდება. ეს პროგრამა მეორე წელია მიმდინარეობს და ადგილობრივი ბიუჯეტიდან ფინანსდება. ჩვენ ვცდილობთ ქალაქში რაც შეიძლება მეტი სამედიცინო აქცია მოვაწყოთ როგორც ბავშვებისთვის, ასევე მოზარდებისთვის,“- განაცხადა ქუთაისის მერმა.