ქუთაისის მერმა ზაქარია ფალიაშვილის სახელობის სახლ-მუზეუმი დაათვალიერა

ქუთაისის მერმა შოთა მურღულიამ და საკრებულოს დეპუტატებმა ზაქარია ფალიაშვილის სახელობის სახლ-მუზეუმი დაათვალიერეს და იქ არსებულ ვითარებას გაეცვნენ.
მუზეუმში დაცულია ქართველი კომპოზიტორის ზაქარია ფალიაშვილის ცხოვრებასა და მოღვაწეობასთან დაკავშირებული მასალები: პირადი არქივი, კომპოზიტორის მიერ შექმნილი ოპერების პარტიტურების ორიგინალები, სხვადასხვა დოკუმენტური და ფოტო მასალა, ხელნაწერები და უნიკალური ინსტრუმენტები.
,,ერთ-ერთი მნიშვნელოვანი ადგილია ჩვენს ქალაქში. გავეცანით მუზეუმში არსებულ პრობლემებს. აქ არის ნივთები, რომლებიც რესტავრირებას საჭიროებს. ჩვენ ვეცდებით შესაბამისი წესების დაცვით მოვახდინოთ მათი რესტავრირება, ეს ძალინ მნიშვნელოვანი მათ შორის ტურიზმოს კუთხით. სიძველეებს უნდა მოვუფრთხილდეთ და ხელი შევუწყოთ ისტორია გადავცეთ მომავალ თაობას.“-აღნიშნა შოთა მურღულიამ.