"მატერიალურად ძალიან უჭირთ," - რას ჰყვებიან იტალიაში გარდაცვლილ ვანელ თამარ ტრაპაიძეზე

იტალიაში გარდაცვლილი ქართველი თამარ ტრაპაიძის გადმოსვენების ხარჯებს სახელმწიფო გაიღებს. 31 წლის ტრაპაიძე იტალიაში 26 მარტს იმ სახლში გარდაიცვალა, სადაც მუშაობდა. თამარ ტრაპაიძე ვანის მუნიციპალიტეტის სოფელ სალხინოში ცხოვრობს.
როგორც ვანის გამგებელმა ზაზა ხურციძემ Topnews.com.ge-ს განუცხადა, თამარ ტრაპაიძე იტალიაში სამუშაოდ წელიწადზე მეტი ხნის წინ წავიდა. გარდაცვლილს დედა და ძმა ჰყავს.
"მატერიალურად უჭირთ. მძიმე მდგომარეობა აქვთ. წელიწადზე მეტია რაც წასულია. ჯანმრთელობასთან დაკავშირებით პრობლემა არ ჰქონია რაც აქ იყო. არაოფიციალური ვერსიით, იმ სახლში სადაც მუშაობდა, ნესტის ჭიის საწინააღმდეგო წამლით ოჯახი შეწამლეს, თუმცა ცუდი ამინდის გამო ოთახის განიავება ვერ მოახერხეს. ცხედარს ექსპერტიზას უტარებენ და ოფიციალურად გახდება ყველაფერი ცნობილი. იტალიის სახელმწიფოზეა დამოკიდებული როდის მოხდება გარდაცვლილის ჩამოსვენება," - ამბობს ზაზა ხურციძე.