ქუთაისის მერიას ქალაქში დრო ისევ გაუჩერდა

ქუთაისში, აღმაშენებლის მოედანზე მდებარე საათის სარეაბილიტაციო სამუშაოები 3 კვირის წინ დასრულდა, თუმცა საათი კვლავ გაჩერებულია და არ მუშაობს.
ქალაქის მერიის კეთილმოწყობის სამსახურის უფროსის მალხაზ ბასილაძის თქმით, ცენტრალურ მოედანზე არსებულ საათს მექანიზმი დაუზიანდა და უახლოეს პერიოდში აღადგება.

"გვეგონა ელეტროობა იყო დაზიანებული, თუმცა აღმოჩნდა, რომ მექანიზმია მწყობრიდან გამოსული, გამოწერილია, როგორც კი ჩამოვა აღდგება,"– ამბობს ბასილაძე.
შეგახსენებთ, რომ საათის რეაბილიტაცია ა.ა.ი.პ "სპეციალური სერვისების" 3 კვირის წინ განახორციელა. მოხდა საათის მექანიკის განახლება და საინფორმაციო, სარეკლამო ელექტროდაფის დამონტაჟება.