რიონიდან მაშველები ორი ბავშვის გამოყვანას ცდილობენ

ქუთაისში, მდინარე რიონიდან მაშველები ორი ბავშვის გამოყვანას ცდილობენ.
ბავშვები მდინარე რიონის შუა ნაწილში ქვებზე დგანან.
თვითმხილველების ინფორმაციით, დილით რიონზე წყლის დონე დაბალი იყო და ბავშვები მდინარეში ქვებზე თამაშობდნენ. უცებ წყლის დონემ აიწია, რის გამოც ორი ბავშვი მდინარის შუა ნაწილში ქვებზე შემორჩა.
"ბავშვები სურათებს იღებდნენ მდინარის კალაპოტში, ამ დროს კი უცებ მდინარე მოვდარდა და ბავშვები შეშინდნენ,"- აცხადებს თვითმხილველი.
მათ გადმოყვანას სამაშველო სამსახური ცდილობს.
ადგილზე იმყოფება საპატრულო პოლიციაც.