"სახლში ორი პენსიონერი მყავს, რომლებიც სულმოუთქმელად ელოდებიან პენსიის ზრდას"

ფინანასთა მინისტრი ნოდარ ხადური სექტემბრიდან პენსიის 10 ლარით გაზრდას გამოეხმაუარა.
მისი თქმით, , ხელისუფლების ცვლილების შემდეგ პენსია ჯამში 50 ლარით გაიზარდა, თუმცა გარდა პენსიისა, მთავრობამ სხვა ბევრი სოციალური პროექტი განახორციელა.
"ჩვენ მოსვლის დღიდან 4 თვეში პენსია გავზრადეთ 15 ლარით და იმის მომდევნო 4 თვეში კი 25 ლარით. ანუ მოსვლიდან 9 თვეში პენსია გავზარდეთ 40 ლარით. 110-დან 150 ლარამდე გაიზარდა. ახლა გაიზრდება კიდევ 10 ლარით, რაც იმას ნიშნავს, რომ ჯამში 50 ლარით გავზარდეთ პენსია. მე მესმის პენსიონერების, რომ ეს 150 ლარი არ არის ბევრი, სახლში ორი პენსიონერი მყავს, რომლებიც სულმოუთქმელად ელოდებიან პენსის ზრდას. მიუხედავად იმისა, ბევრმა შეიძლება სხვანაირად ჩათვალოს ეს. მინდა გითხრათ, რომ ამავე დროს განხორციელდა ბევრი სოციალური პროგრამა, ეს არის: სოციალური დახმარების გაორმაგება, ლტოლვილთა შემწეობების გაორმაგება, საყოველთაო ჯანდაცვა, 21 სპეციალობაზე უფასო სწავლა, ასევე ყველა მოსწავლე უფასო სახელმძღვანელოს იღებს, ათი ათასობით მოსწავლე სკოლაში ფეხით აღარ დადის და ტრანსპორტით დაგვყავს, ეს ყველაფერი კომპლექსურად უნდა დავინახოთ", - განაცხადა ნოდარ ხადურმა "მაესტროს ცხრიანში"

შეგახსენებთ, რომ პენსია სექტემბრიდან 10 ლარით გაიზრდება.