"არ შელახო 82", -ინტრიგა წერეთლის უნივერსიტეტში

ქუთაისის აკაკი წერეთლის სახელმწიფო უნივერსიტეტში შემდეგი წარწერები გაჩნდა: „არ შელახო 82“. წარწერამ უნივერსიტეტის ლექტორ-მასწავლებლების, ადმინისტრაციისა და სტუდენტების დაინტერესება თანაბრად გამოიწვია, თუმცა ამ დროისათვის უცნობია რას ნიშნავს აღნიშნული სიტყვები. ცნობილი ხდება მხოლოდ ის, რომ "არ შელახო 82" პროექტის სახელწოდებაა, რომელსაც საქართველოს სტუდენტთა უფლებების ლიგა ახორციელებს. Topnews.com.ge-მ მეტი ინფორმაციის მოპოვება ლიგის წარმომადგენლებისგან სცადა, თუმცა ორგანიზაციაში აცხადებენ, რომ პროექტის შინაარსი ამ დროისათვის საიდუმლოა.
"სულ მალე გახდება ცნობილი რას ემსახურება აღნიშნული პროექტი და რას ნიშნავს „არ შელახო 82“,-ამბობს "საქართველოს სტუდენტთა უფლებების ლიგის" ვიცე-პრეზიდენტი ნიკა აბესაძე.