ქუთაისის მერი ჟურნალისტებს გადამზადების კურსებს სთავაზობს

ქართული ჟურნალისტიკის დღესთან დაკავშირებით ქუთაისში, თი ბი სი გალერეაში ჟურნალისტების ნახატებისა და ფოტო ნამუშევრების გამოფენა მოეწყო. გამოფენაზე რადიო „ძველი ქალაქის“ წარმომადგენლის ლია უკლებას, საზოგადოებრივი მაუწყებლის ოპერატორის სოფო ბობოხიძის, გაზეთ „ბათუმელებიდან“ მანანა ქველიაშვილისა და ფოტორეპორტიორების-დათო მირზაშვილის, მამუკა კაკაურიძისა და თორნიკე ტურაბელიძის ნამუშევრები იყო წარმოდგენილი.
მედიის წარმომადგენლებთან ერთად, გამოფენა ქალაქის მერმა და იმერეთის გუბერნატორმა დაათვალიერა.
„ყველა ჟურნალისტს ვუსურვებ იყოს მაქსიმალურად ობიექტური, კრიტიკული და პროფესიონალი. ჩვენ გვჭირდება მოსახლეობას მიეწოდოს ობიექტური ინფორმაცია როგორც დადებითი, ისე ხარვეზების კუთხით,“ - განაცხადა ქუთაისის მერმა.
ქალაქის მერმა ჟურნალისტებს ასევე გადამზადების კურსები შესთავაზა.
„თუ მოსყიდვაში არ ჩამითვლით. გადამზადება თქვენც გჭირდებათ და თქვენც გჭირდებათ,“ - განაცხადა შოთა მურღულიამ.