ქუთაისიდან თბილისისკენ 'ნაციონალური მოძრაობის' კოლონა დაიძრა

„ნაციონალური მოძრაობის“ აქციაზე დასასწრებად იმერეთის რეგიონიდან თბილისში კოლონა გამოემგზავრა.
როგორც პარტიის წევრები და მხარდამჭერები აცხადებენ, ისინი დღევანდელი აქციით მთავრობის უნიათობას და ქვეყანაში ეკონომიკის წინსვლის შეჩერებას გააპროტესტებენ.
როგორც ისინი აცხადებენ, დღეს ისტორიული დღეა, რადგან ხელისუფლება ხალხის ძალას კიდევ ერთხელ იგრძნობს.
"მიუხედავად იმისა"სუს"-ი კვირების განმავლობაში აშინებდა მძღოლებს და ყველა იმ ადამიანს, ვისაც დღევანდელ აქციაზე თბილისში წამოსვლა უნდა ჩვენ ქუთაისიდან 2 000-მდე ადამიანი მაინც მივდივართ. ჩვენი მოთხოვნა ქვეყნის მთავრობის გადადგომაა, რადგან ეს მთავრობა ქვეყნის წინსვლას ხელს უშლის,"- საპარლამენტო უმცირესობის წევრი გია თევდორაძე.
შეგახსენებთ, რომ თბილისში 16:00 საათზე, "ნაციონალური მოძრაობის" ორგანიზებით აქცია გაიმართება.