"იმერელი და პროფესიონალი"-, მხარის გუბერნატორმა ახალი მოადგილე წარადგინა

ალექსანდრე იოსებაშვილის შემდეგ იმერეთის პირველი ვიცე-გუბერნატორის თანამდებობა პაატა ნადირაძემ დაიკავა.
გუბერნატორმა გივი ჭიჭინაძემ ნადირაძის წარდგენისას ყოფილ ვიცე-გუბერნატორს გაწეული საქმიანობისათვის მადლობა გადაუხადა.
„ღირსეულად იმუშავა ამ სექტორში, ღირსეული კვალი დატოვა და საზოგადო სექტორში გადავიდა,“ - განაცხადა გუბერნატორმა.
რაც შეეხება ახალ ვიცე-გუბერნატორს, გივი ჭიჭინაძე ამბობს, რომ ის იმერელი კაცი და მისი საქმის პროფესიონალია.
„იმერეთში სერიოზულად არის ნამუშევარი. გამოცდილია ეკონომიკაში, სამართალში, სოფლის მეურნეობაში. ყველაფერში გაცნობიერებული კაცია. მიხარია, რომ ბატონი ალეკოს შემდგ ცარიელი ადგილი არ დარჩა და ეს ადგილი კვალიფიციურმა კადრმა დაიაკავა,“ - განაცხადა გივი ჭიჭინაძემ.