ხონის გამგებელი პრემიერის შექებაზე: ეს უნდა იყოს სტიმული მეტი ენთუზიაზმის

ქვეყნის პრემიერის ირაკლი ღარიბაშვილის მიერ ხონის მუნიციპალიტეტის წარმატებულ მუნიციპალიტეტად დასახელებას გამგებელი ჯემალ მებუკე ოთხშაბათის ტრადიციულ თათბირზე გამოეხმაურა. თათბირის დაწყებამდე მებუკემ პირველ მოადგილესა და გამგეობის ყველა სამსახურის უფროსს მადლობა გადაუხადა.
„თქვენი დამსახურებაა ის, რომ ხონი პრემიერ -მინისტრმა წარმატებულ მუნიციპალიტეტთა შორის ერთ-ერთი პირველი დაასახელა ეფექტურად, სწორად და სრულად ათვისებული საბიუჯეტო თანხების განკარგვის კუთხით. ეს უნდა იყოს სტიმული მეტი ენთუზიაზმის, საქმის კეთების. წელს ხონში უპრეცედენტოდ დიდი პროექტები განხორციელდება და მათ შესრულებაზე პასუხისმგებელნი და ანგარიშვალდებულნი მოსახლეობის წინაშე უპირველესად ჩვენ ვიქნებით,"-განაცხადა მებუკემ.
შეგახსენებთ, რომ პრემიერი ირაკლი ღარიბაშვილი გასულ კვირას მერებსა და გამგებლებს შეხვდა. პრემიერმა მათგან ანგარიშები მოისმინა და დავალებები მისცა.