გია თევდორაძე: მძღოლები სუს-ში დაიბარეს და 21 მარტს ქალაქიდან გაუსვლელობის ხელწერილი დააწერინეს

"ნაციონალური მოძრაობა" 21 მარტს თბილისში, რუსთაველის გამზირზე დაგეგმილ აქციაზე ქუთაისიდან 2 000-მდე მხარდაჭერის წაყვანას გეგმავს.
საპარლამენტო უმცირესობის წევრის, "ნაციონალური მოძრაობის" ქუთაისის ორგანიზაციის თავმჯდომარის გია თევდორაძის თქმით, მათ აქვთ ინფორმაცია, რომ ის მძღოლები, რომლებსაც შეიძლებოდა 21 მარტს ქუთაისიდან პარტიის მხარდამჭერების ტრანსპორტირება უზრუნველყო, უშიშროების სამსახურში დაიბარეს. როგორც თევდორაძე ამბობს, მძღოლები გააფრთხილეს და 21 მარტს, ქალაქიდან გაუსვლელობის ხელწერილი დააწერინეს. დეპუტატი აცხადებს, რომ ხელისუფლება მუშაობს, რათა "ნაციონალების" მიერ მთავრობის გადადგომის მოთხოვნით დაგეგმილ აქციაზე ხალხის დიდი რაოდენობა არ მოხვდეს. როგორც გია თევდორაძე ამბობს, 21 მარტს სხვადასხვა ღონისძიება აქვს დაგეგმილი ქუთაისის მერიას, მათ შორის მოსახლეობის სამედიცინო დათვალიერების კუთხით.