თემურ ცამციშვილი: ჩემი თუ არ გჯერათ, გავიკითხოთ მეზობლად ევროპაში

ქუთაისის ახალგაზრდული ცენტრის მენეჯერი თემურ ცამციშვილი წერს, რომ ორგანიზაცია იმ შეხვედრაზე ვერ მოხვდა, რომელიც ქუთაისში, საქართველოს პარლამენტის შენობაში კულტურის სტრატეგიის შენუშავების საკითხზე გაიმართა. ღონისძიებაში, რომელსაც კულტურის მინისტრი მიხეილ გიორგაძე ესწრებოდა, ადგილობრივი ხელისუფლების წარმომადგენლები, არასამთავრობო ორგანიზაციები და კულტურის სფეროში ჩართული პირები ესწრენოდნენ.
"კითხვა მაქვს კულტურის სამსახურთან! იმ შენობის გვერდზე, სადაც დღეს კულტურის სტრატეგიულ განვითარებას გეგმავდით, ხომ არ შეგიმჩნევიათ ახალგაზრდული ცენტრი, რომელიც 16 სახელოვნებო დარგს იტევს და სისტემატურად უამრავი არტისტი და კულტურის მოღვაწე სტუმრობს, სწავლობს 200 ბავშვი, რომელმაც ჩვენი ქალაქის მომავალი კულტურული სახე უნდა წარმოადგინოს. მაინტერესებს, ამ ორგანიზაციას ეკუთვნოდა თუ არა შეხვედრაზე მიწვევა?
პ.ს. აქვე მინდა გითხრათ, კულტურის სტრატეგია მიმართული უნდა იყოს კულტურით როგორც პროდუქტით კერძო სექტორის დაინტერესებაზე. თუ ჩემი არ გჯერათ, გავიკითხოთ მეზობლად " ევროპაში" :))," - წერს ცამციშვილი.
„კულტურა 2025“-ის მიზანია განსაზღვროს საქართველოში კულტურისა და შემოქმედებითი სექტორის განვითარების გრძელვადიანი ხედვა.